Трамп Путинмен ресейлік дизель отынын жеткізу туралы келісімге келгенін мәлімдеді

АҚШ президенті Дональд Трамп Ресей басшысы Владимир Путинмен телефон арқылы сөйлескенін хабарлап, америкалық және әлемдік нарыққа дизель отыны жеткізілетінін мәлімдеді, деп хабарлады KAZ.NUR.KZ.

Бұл туралы Ақ үй басшысы Truth Social желісіндегі парақшасында жазды.

"Мен Ресей президенті Владимир Путинмен өте табысты келіссөздерді аяқтадым. Оның барысында Ресей америкалық және әлемдік нарыққа дереу 300 000 тоннадан астам дизель отынын, қараша айы ішінде тағы 500 000 тонна, ал одан кейін бірден тағы 1 000 000 тонна жеткізетіні туралы келісімге қол жеткізілді", - деді Трамп.

Америкалық президенттің айтуынша, осы шаралардың және Ормуз бұғазын бақылаудың арқасында АҚШ-та және бүкіл әлемде отын бағасы төмендейді.

"Америкалықтар үшін, әсіресе біздің тамаша фермерлеріміз, ранчо иелері мен жүк көлігінің жүргізушілері үшін бағаны төмендету – менің басты басымдығым. Бұл өте маңызды және елеулі мәлімдеме", - деді Трамп.

Осы мәлімдемелерден кейін АҚШ Қаржы министрлігі X әлеуметтік желісінде ресейлік дизель отынын жеткізуге лицензия берілгенін хабарлады.

Мәтіннен қате тапсаңыз, бізге жазыңыз