Оңтүстік Кореяда пышақ ұстаған ер адам супермаркет келушілеріне шабуыл жасады: зардап шеккендер бар

Оңтүстік Кореяның Инчхон қаласындағы супермаркетте болған шабуыл кезінде сегіз адам пышақ жарақатын алды, деп хабарлайды "Известия" басылымына сілтеме жасаған KAZ.NUR.KZ.

Басылымның жазуынша, оқиға Намдонгу ауданындағы фудкортта болған.

"Инчхондағы ірі супермаркетте 60 жас шамасындағы ер адам қару қолданып, сегіз адамды жаралады", - делінген жарияланымда.

Шұғыл қызметтердің мәліметінше, Инчхон қаласының Намдонгу ауданындағы полицияға супермаркеттің фудкортында пышақ ұстаған ер адам келушілерге шабуыл жасағаны туралы хабарлама түскен.

Құқық қорғу органдарының қызметкерлері оқиға орнында қару сілтеп жүрген ер адамды ұстаған. Оны полиция келгенге дейін келушілердің өзі тоқтатқан.

Нақтыланған ақпаратқа сәйкес, оқиға салдарынан сегіз адам жараланған, олардың біреуі жүрегі тоқтап, ауруханаға жеткізілген.

Полиция қызметкерлері шабуыл жасаған адамның сөмкесінен "басқа көптеген қару" тапқан. Қылмыстың мән-жайы бойынша тергеу жүргізіліп жатыр.

Мәтіннен қате тапсаңыз, бізге жазыңыз