Трамп Франциядағы тәртіпсіздіктерден кейін Еуропа елдеріне шекараны жабуды ұсынды

АҚШ президенті Дональд Трамп Францияда болған оқиғадан кейін Еуропа елдерін өз шекараларын жабуға шақырды, деп хабарлайды KAZ.NUR.KZ.

Ол бұл тақырыпқа Truth Social әлеуметтік желісінде жазба арнады.

"Еуропа тым кеш болмай тұрғанда өз шекарасын жауып, он жек көретіндерді елден мүмкіндігінше тезірек шығарып тастауы керек! Бұл адамдар Францияны және шабуылға ұшырап жатқан басқа да елдерді жақсы көрмейді. Олар халықты, өнерді, сәулет өнерін және ғимараттарды жақсы көрмейді – олар өздерін қоршаған әлемдегі ештеңені жақсы көрмейді. Олардың тұрып жатқан жеріне ешқандай сүйіспеншілігі жоқ және ешқашан болмайды да", - деп жазды Ақ үй басшысы.

Трамп президент Макронмен осыдан бірнеше жыл бұрын алғаш кездескенде-ақ шекараны жабу қажет екенін, әйтпесе Францияның күйрейтінін айтқанын мәлімдеді.

"Біз Еуропаны оның кемшіліктеріне, әлсіздіктеріне және уақытша бағдарынан адасуына қарамастан қолдаймыз. Бірақ егер ол жақын арада дұрыс жолды таппаса, бізде кетуден басқа амал қалмайды. Біз Иранға қатысты көмек сұрағанда шын мәнінде бізге көмек қажет болмаған, тек сынап тексеріп көру үшін айтылған, ал еуропалықтар қасымыздан табылмады. Мұны мен ешқашан ұмытпаймын", - деді Трамп.

Еске сала кетейік, АҚШ президенті Дональд Трамп Конгресс сайлауы қарсаңында Канзаста өткен митинг кезінде АҚШ-ты қазір наразылықтар мен тәртіпсіздіктер болып жатқан Францияның тағдыры күтіп тұруы мүмкін екенін мәлімдеген.

Бірнеше күн бұрын Ақ үй басшысы Франция билігіне болып жатқан тәртіпсіздіктер аясында шекараны жабу туралы үндеу тастаған болатын.

Мәтіннен қате тапсаңыз, бізге жазыңыз