Сауд Арабиясында әйелдер қауымына қандай нәрсе тыйым салынған?

Сауд Арабиясында әйелдерге көп нәрсеге тыйым салынады. Бұл елде тұратын қыз-келіншектер өз бетінше шешім қабылдап, қалағанын жасау құқығынан айырылған деп хабарлайды NUR.KZ.

Сұлу мүсіндерін ұзын киім астына жасырып жүретін арулардың тағы не істеуіне құқығы жоқ?

1. Сауд Арабиясындағы келіншектер күйеуінсіз, болмаған жағдайда аға-бауырынсыз далаға шығуға құқығы жоқ.

2. Биылдан бастап арабилық әйелдерге көлік айдау құқығы берілгенімен, оның өзі тек қана жолдасының рұқсатымен ғана болады.

3. Әйелдерге қоғамдық көлікпен жүруге рұқсат жоқ. Олар пойыздағы қыз-келіншектерге арналаған вагондарға ғана отыра алады. Бірақ көбісі таксимен жүруді ыңғайлы санайды.

4. Сауд Арабиясының әрбір аймағының өз заңдылығы бар. Мәселен, кейбір аудандарда паранджа немесе никаб кию талап етілсе, кейбір жерде бет-әлпеті ашық тұратын хиджаб міндеттеледі. Оған қоса, киім-кешек қалың матадан болуы шарт.

5. Білім жөнінен ерлерден асып түсер әйелдер қауымының көбісі оқу тәмамдағаннан соң жұмыс істемейді. Оған жолдасының рұқсат етпеуі себеп болса керек.

6. Бұл елде тұратын қыз-келіншектер жыныстық жетілуге дейін тұрмысқа беріліп жатады. Кәмелетке толмаған қыздың отбасын құру шешімін ол үшін әкесі алады.

7. Сауд Арабиясында әйелдер мұрагерлікке ие бола алмайды.