RU
Алматыдағы ұшақ апатының болжалды екі себебі айтылды

Алматыдағы ұшақ апатының болжалды екі себебі айтылды

Рассказать Вконтакте

Премьер-министрдің орынбасары Роман Скляр, ішкі істер вице-министрі Юрий Ильин, индустрия және инфрақұрылымдық даму министрі Бейбіт Атамқұлов Алматыдағы Bek Air әуе компаниясының апатқа ұшыраған жеріне барды. Мән-жаймен танысқан соң БАҚ өкілдерінің алдында мәлімдеме жасалды деп хабарлайды KAZ.NUR.KZ Zakon.kz-ке сілтеме жасап.

Фото : zakon.kz

Фото : zakon.kz

Үкіметтік комиссия өкілдері апаттық жұмыстарға қатысты пікір білдірді.

"Ұшақ апатқа ұшырау алдында "құйрығымен" жерге екі рет тиген, шассилері жиналып тұрған. Апаттың пилот қателігінен немесе техникалық себептен болғанын комиссия анықтайды. Оған Халықаралық авиация комитеті қатысады. Ұшу алабы өте жақсы жағдайда болған", – деп мәлімдеді вице-премьер.

Айта кетерлігі, апатқа ұшыраған ұшақ бортында 93 жолаушы мен 5 экипаж мүшесі болған. Нақты 12 адам қаза болғаны туралы ақпарат бар: олардың сегізі оқиға орнында, екеуі ауруханада және екеуі әуежайда қайтыс болған.

Қазіргі уақытта 49 адам ауруханаға жатқызылды, 18-і ауыр хәлде.

Үкіметтік комиссия оқиға орнында жұмыс жүргізуде. Сондай-ақ ол жерде Алматы әкімінің орынбасары Ержан Бабақұмаров бар. Алматы қалалық және облыстық ТЖД қызметтері, полиция мен өзге де қызметкерлер барлық қажетті жұмыстарды атқаруда.

Еске сала кетсек, бүгін 27 желтоқсанда Алматыдан Нұр-Сұлтанға бағыт алған Bek Air әуе компаниясының рейсі апатқа ұшырады.

Бұған дейін апаттан қаза тапқандардың нақты саны мен есімдері белгілі болғанын хабарлағанбыз.

Ал зардап шеккендер тізімін мына жерден көруге болады.

Тағы да оқыңыздар
Жүктеу...
Mailfire view pixel