Медеу бөгетінен 300 метр биіктікте тастар опырылып түсті

Алматы қаласы Төтенше жағдайлар департаменті Медеу – Шымбұлақ автожолында Медеу бөгетінен 300 метр биіктікте тастар опырылып түскенін хабарлады.

Қалалық ТЖД мәліметінше, 11 және 13 сәуір күндері Медеу – Шымбұлақ автожолында Медеу бөгетінен 300 метр биіктікте тастар опырылып түскен.

"Тастардың бір бөлігі автомобиль жолына түскен. 11 сәуір күні 20 шаршы метр тас опырылып түссе, 13 сәуір күні 2 шаршы метр тас опырылып түскен. Қазіргі таңда қауіп сақталады", – дейді ТЖД.

Алматы – Космостанция және Алматы – Тұйықсу автомобиль жолдары жабылып, блокпосттар қойылды.

Осыған байланысты Алматы қаласының Төтенше жағдайлар департаменті және Қазселденқорғау Алматы қаласының тұрғындарын тауға шықпауды сұрайды.

"Мүдделі ұйымдар таулы жерлерге халықтың баруын шектеу бойынша барлық шараларды қабылдауы қажет", – дейді қалалық ТЖД өкілдері.