Ақтауда жылу желісінде ақау шығып, жеті аудан жылу мен ыстық сусыз қалды

Жылу желілеріндегі ақауға байланысты Ақтаудағы бірнеше шағын ауданда жылу мен ыстық су беру уақытша тоқтатылды. Қазіргі уақытта жөндеу жұмыстары жүргізілуде, деп хабарлайды өңірлік әкімдік Instagram парақшасында.

Әкімдіктің хабарлауынша, 16 шағын аудандағы жылу желісінде орын алған ақауға байланысты 16, 17, 18, 19, 20, 20А ш/а кейбір үйлерге жылу мен ыстық суға уақытша шектеу қойылды

Жылу желісіндегі ақау шыққан жерде "Каспий жылу, су арнасы" мекемесінің мамандары жөндеу жұмыстарын жүргізуде. Аталған жұмыстарды Ақтау қаласының әкімі Ұлықбек Тналиев өз қадағалауына алды.

"Ақтау қаласының тұрғындары бізде 16 шағын аудандағы жылу желісінде ақау табылды. Соған сәйкес, жөндеу жұмыстары жүргізілуде. Жылу бойынша 16, 17, 18, 19, 20, 20А шағын аудандардағы кейбір үйлерге уақытша шектеу қойылды. "Каспий жылу, су арнасы" мекемесінің мамандары тез арада ақауды жөндеуге жұмыстанып жатыр", - деді қала әкімі.

Жылу мен ыстық судан уақытша шектелген шағын аудандардағы үйлер:

• 16 шағын аудан 31,33/3, 33/7,43, 43/1,43/2, 43/3,49,50,55,56,57,59, 60, 61,63,63/1, 63/2,64,67,68,69, 77,79,85, 86,86/1, 89,90, 91,92, 93,94-үй;
• 17 шағын аудан 3,4,5,23,24,24/1,25,25а,б., 26,27,28,29,30,43,44,45,46,51,54,55,82,83,84,85,86,90,91,92,93,94,95,96,101,102,103,104,105,107,110,112,113,115/1,217,217/1-үй, "Оқушылар сарайы", колледж, бизнес орталықтары;
• 18 шағын аудан 3,18,19,20,21,28ү, "Шахар Плаза", "Империя Тауэрс" ТҮК;
• 18а шағын ауданы толығымен;
• 19 шағын аудан 5,13,15-үй;
• 20 шағын ауданның 5,7,17-үй;
• 20а шағын аудан 21-үй.