Жамбыл облысында жолаушылар отырған автобус өртенді
Опубликовано:
Жамбыл облысы Жамбыл ауданындағы тасжолда төтенше жағдай болды - жолаушылар отырған автобус өртенді. Абырой болғанда, оқиғадан ешкім зардап шекпеді, деп хабарлайды ТЖМ-ге сілтеме жасаған KAZ.NUR.KZ.
ТЖ министрлігінің ресми Telegram-арнасындағы хабар бойынша, төтенше жағдай "Алматы-Ташкент" автожолында болған. Өртсөндірушілер келгенге дейін 29 жолаушы өртенген көліктен өздігінен эвакуацияланыпты.
Адамдар ілеспе көліктермен елді мекендерге жеткен.
"Өрт сөндірілді. Құрбандар мен зардап шеккендер жоқ. Өрттің алдын ала себебі - электр сымдарының қысқа тұйықталуы", - делінген хабарламада.
Тілсіз жаумен күреске ТЖД-ның 9 қызметкері мен 2 техникасы жұмылған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/emergency/2063872-zambyl-oblysynda-zolausylar-otyrgan-avtobus-ortendi/