Жетісу облысында мал бағуға шығып кеткен ер адам үш күннен бері іздестіріліп жатыр

Жетісу облысы Көксу ауданы Еңбекшіқазақ ауылының 30 жастағы тұрғынына іздеу жарияланды. Ол 23 сәуір күні атпен мал бағуға шығып кетіп, сол күйі оралмаған. Бұл туралы журналист Сандуғаш Дүйсеноваға сілтеме жасаған KAZ.NUR.KZ хабарлайды.

Сандуғаш Дүйсенованың Instagram-дағы жеке парақшасында жарияланған ақпартқа сүйенсек, ұлы жоғалып кеткенін полицияға әкесі хабарлаған. Жігіт ұялы телефонын ала шыққан, бірақ қазір ол сөндірулі тұр.

Бұған қоса Көксу өзенінің бойынан жігіт мініп шыққан ат табылғаны белгілі болды. Оны іздеуге полицейлермен бірге жергілікті тұрғындар мен еріктілер шыққан.

Жетісу облысының полиция департаменті бұл жайтқа түсініктеме берді.

"Ер адам жоғалып кеткені жөніндегі факт Көксу аудандық полиция бөлімінде тіркелді. Қазір тәртіп сақшылары із-түссіз жоғалып кеткен адам жүрген жерді анықтауға бағытталған шараларды іске асырып жатыр", - дейді ведомство өкілдері.

Мәтіннен қате тапсаңыз, бізге жазыңыз