Top.Mail.Ru

Сайт нұсқасы

ru kz

Зектілері

Алматыдағы автобус апаты: бір жолаушы қаза тауып, 16 адам зардап шекті

Опубликовано:

Алматыдағы автобус апаты
Алматыдағы автобус апаты. Фото: t.me/almatynews_kaz

Алматы қалалық ПД өкілдері автобус апатынан 1 адам қаза тауып, тағы 16 адам зардап шеккенін мәлімдеді. Бұл туралы KAZ.NUR.KZ хабарлайды.

Ведомство өкілдерінің айтуынша, өліммен аяқталған жол-көлік оқиғасы фактісі бойынша қылмыстық іс қозғалды. Тиісті сараптамалар тағайындалды.

Бұл жол-көлік оқиғасы Алматы қаласының Алмалы ауданында 14 сағат 20 минутта болған.

"Алдын ала мәлімет бойынша, Kia көлігінің жүргізушісі Мақатаев көшесімен оңтүстік бағытта өтіп бара жатып, "Сity-Bus" ЖШС жеке тасымалдаушысы қызмет көрсететін 18-ші бағыттағы қоғамдық көлікпен соқтығысып, артынша автобус кедергіге соғылған.

Оқиға салдарынан қоғамдық көліктің 16 жолаушысы медициналық көмекке жүгінсе, тағы бір жолаушы оқиға орнында қаза болды", - делінген хабарда.

Айта кетейік, бұған дейін апат орнында түсірілген видео жарияланғанын хабарлаған едік. Оқиға орнында түсірілген кадрлар Telegram-дағы Almaty News арнасында жарияланды. Видео кадрларынан бірнеше жедел жәрдем көрігін байқауға болады. Сондай-ақ Telegram-дағы арнада оқиға орнында түсірілген суреттер де жарияланды.

Мақаланың түпнұсқасы: https://kaz.nur.kz/accidents/2124381-almatydagy-avtobus-apaty-bir-zholaushy-qaza-tauyp-16-adam-zardap-shekti/