"Мектептен оралмаған": Атырауда 11 жастағы бала іздестіріліп жатыр

Атыраулық 11 жастағы Санжар Мұқанов сағат 15:00 шамасында № 39 орта мектептен шығып, үйіне қайтпаған. Баланы туыстары мен полиция қызметкерлері іздестіріп жатыр, деп хабарлайды KAZ.NUR.KZ тілшісі.

Облыстық полиция департаментінің мәліметінше, мектеп оқушысы қала маңындағы Жұлдыз-2 шағын ауданында тұрады. Қазіргі кезде 2013 жылы туған баланы туыстары, полиция қызметкерлері іздестіріп жатыр.

"Жоғалған ер баланың бойы 149 см, шашының түсі қара. Үстінде көк түсті спорттық киім, қара шалбар, аяғына қара аяқ қиім киген. Қазіргі таңда жан-жақты іздестіру жұмыстары жүргізіліп жатыр", - дейді Атырау облыстық полиция департаменті өкілдері.

Полиция тұрғындардан қандай да бір ақпарат білсе 102 нөміріне дереу қоңырау шалуды сұрады.

Автор: Әйгерім Сайқын

Мәтіннен қате тапсаңыз, бізге жазыңыз