Azerbaijan Airlines Ақтаудағы ұшақ апатына қатысты мәлімдеме таратты
Опубликовано:
Azerbaijan Airlines әуе компаниясы Ақтау қаласы маңындағы жолаушы ұшағы апатына қатысты мәлімет таратты. Бұл туралы KAZ.NUR.KZ әуе компаниясының Telegram-дағы ресми арнасына сілтеме жасай отырып хабарлайды.
"Azerbaijan Airlines әуе компаниясының J2-8243 рейсімен Баку-Грозный бағытында ұшқан Embraer 190 ұшағы Ақтау қаласына шамамен 3 шақырым жерге қонуға мәжбүр болды.
Оқыс оқиға туралы қосымша мәлімет жарияланады", - деп хабарлады әуекомпаниясы өкілдері.
Бұған дейін хабарлағанымыздай, Embraer 190 жолаушы ұшағы 25 желтоқсанда Ақтау қаласы маңында апатқа ұшырады. Ұшақ бортында 62 жолаушы және экипаждың бес мүшесі болған деген мәлімет тарады.
Ұшақ апатынан аман қалған жолаушылар туралы мәлімет жарияланды.
- Ақтаудағы ұшақ апатынан қанша адам аман қалғаны белгілі болды
- Ақтаудағы ұшақ апаты: Әзербайжан тарабы бортта 62 жолаушы мен 5 экипаж мүшесі болғанын хабарлады
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/2204676-azerbaijan-airlines-aqtaudagy-ushaq-apatyna-qatysty-malimdeme-taratty/