Ұшақта 69 адам болған: ТЖМ Ақтауда ұшақ апатына қатысты жаңа мәлімет таратты
Опубликовано:
Төтенше жағдайлар министрлігі Ақтау маңында болған ұшақ апаты туралы нақтыланған деректерді жариялады. Бұл туралы KAZ.NUR.KZ Төтенше жағдайлар министрлігіне сілтеме жасап хабарлайды.
"Нақтыланған ақпарат бойынша, сағат 11:00-де Маңғыстау облысы төтенше жағдайлар департаментіне Баку-Грозный бағытында ұшқан Azerbaijan Airlines әуе компаниясына тиесілі Embraer 190AR ұшағы Ақтау қаласында апатты жағдайда қонғаны туралы хабар берілді.
Алдын ала ақпарат бойынша, ұшақ бортында 69 адам болған, оның бесеуі – экипаж мүшесі. Бортта 49 Әзербайжан, 16 РФ, 6 Қазақстан, 3 Қырғызтан азаматы болған. Төтенше жағдайлар қызметінің күштері мен құралдары дереу әуежайға жіберілді.
Сағат 11:30-да әуежайдан 3 шақырым жерде ұшақ құлағаны туралы ақпарат келіп түсті. Сағат 12:05-те өрт сөндіріліп, республикалық штаб құрылды. Барлығы 287 адам мен 65 техника жұмылдырылған. Құтқару жұмыстары жалғасып жатыр. 28 адам ауруханаға жатқызылды, оның ішінде екеуі бала", - деп хабарлады Төтенше жағдайлар министрлігінің өкілі.
- Еліміздің Бас прокуратурасы Ақтау маңындағы ұшақ апатына қатысты мәлімдеме жасады
- Ақтаудағы ұшақ апаты орнында түсірілген суреттер тарады
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/2204813-ushaqta-69-adam-bolgan-tzhm-aqtauda-qulagan-ushaq-zholaushylary-turaly-zhanga-habar-taratty/