Ұшақта 69 адам болған: ТЖМ Ақтауда ұшақ апатына қатысты жаңа мәлімет таратты

Төтенше жағдайлар министрлігі Ақтау маңында болған ұшақ апаты туралы нақтыланған деректерді жариялады. Бұл туралы KAZ.NUR.KZ Төтенше жағдайлар министрлігіне сілтеме жасап хабарлайды.

"Нақтыланған ақпарат бойынша, сағат 11:00-де Маңғыстау облысы төтенше жағдайлар департаментіне Баку-Грозный бағытында ұшқан Azerbaijan Airlines әуе компаниясына тиесілі Embraer 190AR ұшағы Ақтау қаласында апатты жағдайда қонғаны туралы хабар берілді.

Алдын ала ақпарат бойынша, ұшақ бортында 69 адам болған, оның бесеуі – экипаж мүшесі. Бортта 49 Әзербайжан, 16 РФ, 6 Қазақстан, 3 Қырғызтан азаматы болған. Төтенше жағдайлар қызметінің күштері мен құралдары дереу әуежайға жіберілді.

Сағат 11:30-да әуежайдан 3 шақырым жерде ұшақ құлағаны туралы ақпарат келіп түсті. Сағат 12:05-те өрт сөндіріліп, республикалық штаб құрылды. Барлығы 287 адам мен 65 техника жұмылдырылған. Құтқару жұмыстары жалғасып жатыр. 28 адам ауруханаға жатқызылды, оның ішінде екеуі бала", - деп хабарлады Төтенше жағдайлар министрлігінің өкілі.