Астанадағы көпірлердің бірінде жол апаты болып, бір адам қаза тапты
Опубликовано:
Астанадағы көпірлердің бірінде жол-көлік оқиғасы салдарынан бір адам қаза тауып, тағы біреуі жарақат алды. Бұл туралы KAZ.NUR.KZ хабарлайды.
Оқиға орнынан түсірілген видеоны Instagram-дағы astana__sergek парақшасы жариялады. Видеодан қираған көлік пен оның жанында полиция қызметкерлерінің тұрғанын көруге болады.
Елордалық полиция департаменті мәліметінше, апат М-1 көпірінде болған.
Toyota көлігінің жүргізушісі Қошқарбаев көшесінен Сарайшық көшесіне қарай келе жатып, рульді басқара алмай, жоғары жылдамдықпен көпірдің қоршауына соғылған.
"Жол-көлік оқиғасы салдарынан көліктің жолаушысы оқиға орнында қаза тапты. Ал жүргізуші түрлі жарақаттармен ауруханаға жеткізілді", - деп хабарлады жол полициясы.
Бұған дейін Астана көшелерінің бірінде рульге ие бола алмаған кроссовер жүргізушісі тоннель қабырғасын соғып, керамикалық плиталарды сындырғанын жазған болатынбыз.
Ал елордалық әуежай маңында Kia және Hyundai көліктері соқтығысып, соңғысының жүргізушісі ауруханаға жатқызылған болатын.
Қаза айында ел астанасында Chevrolet және "ВАЗ" көлігінің қатысуымен жол апаты болды. Салдарынан көліктердің бірі бүйіріне аударылып қалған еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/road-accident/2206566-astanadagy-kopirlerding-birinde-zhol-apaty-bolyp-bir-adam-qaza-tapty/