Қарағанды облысында боранды күні шығып кеткен ер адам көз жұмды

Қарағанды облысы Шет ауданы Ақжал ауылының маңында боран кезінде ер адам көз жұмды. Ол боранға қарамастан кешен тауып алды деп хабарлайды Қазақпарат.

Басылым мәліметінше, 26 ақпанда Шет ауданы Ақжал кентінің маңында ер адамның жоғалып кеткені туралы хабарлама келіп түсіпті. 1961 жылы туған ер адам 25 ақпанда күндіз қыстаудан белгісіз бағытта шығып, оралмаған.

"Қарағанды облысы төтенше жағдайлар департаменті бөлімшелерінің, полиция мен жергілікті атқарушы органдардың күштерінен тұратын іздестіру тобы іздестіру-құтқару жұмыстарына кірісті. 26 ақпанда сағат 17:15-те іздеу тобы қыстақтан 5 шақырым жерде жоғалып кеткен адамның денесін тапты", - деп хабарлады Қарағанды облысы ТЖД баспасөз қызметі.

Облыстың құтқарушылары ауа райы нашарлаған кезде елді мекендерден тыс жерлерге жаяу және жол жүруден аулақ болуды, ауа райының өзгеруіне сәйкес киінуді ескертеді.

Естеріңізге сала кетейік, осыған дейін Қостанай тұрғыны Федор Попов 28 сағат бойы қар құрсауында қалып, үскірік аяздан аман-есен жақындарына оралғанын жазған болатынбыз.

Ақтөбе қаласынан Қостанайға жеке көлігімен бет алған ол діттеген жеріне жетуге 200 шақырым қалғанда күн райынан қауіптене бастайды. Ал Денисовка ауылына 24 шақырым қалғанда көліктің ауа тартқышын қар басып, Федордың машинасы тоқтайды. Осылайша, ол ас-сусыз жапан далада жалғыз қалады.

Мәтіннен қате тапсаңыз, бізге жазыңыз