Қапшағайда суға батып бара жатқан жасөспірім құтқарылды

Қапшағай су қоймасында суға батып бара жатқан жасөспірім құтқарылды. Бұл туралы Алматы облысы ТЖД Telegram-дағы ресми арнасында мәлімдеді.

9 маусым күні сағат 18:20-да Алматы облысы ТЖД кезекші бөліміне жасөспірім қыздың Қонаев қаласындағы Қапшағай су қоймасының қалалық жағажайында суға батып бара жатқаны туралы хабарлама келіп түскен.

"Оқиға орнына Қонаев қаласының жедел-құтқару жасағының қызметкерлері  дереу жіберілді.  Жасөспірім қыз шомылу кезінде жағадан 200 метр қашықтыққа жүзіп кеткен және құрлыққа өз бетінше орала алмаған", – делінген облыстық ТЖД хабарламасында.

Құтқарушылар қызды ата-анасы күткен жағаға жеткізген. Жасөспірім медициналық көмекке мұқтаж болмаған.

Алматы облысы Төтенше жағдайлар департаменті азаматтардан судағы қауіпсіздік ережелерін сақтауды сұрайды.

Мәтіннен қате тапсаңыз, бізге жазыңыз