Атырауда жасөспірім ағайындылар суға батып кетті

Атырауда 15 және 16 жастағы ағайынды жасөспірімдер Жайық өзеніне батып кетті. Оқыс оқиға 13 маусым күні кешке болған. Облыстық Төтенше жағдайлар департаментіне жасөспірімдердің қазасы туралы хабарлама келіп түсті, деп хабарлайды KAZ.NUR.KZ "Ақ Жайық" басылымына сілтеме жасап.

Ведомствоның мәліметінше, 13 маусым күні кешке қарай Геолог ауылында 2007 және 2008 жылы туған екі жасөспірім Орал өзеніне батып кеткені туралы ақпарат келіп түскен. Олар бір-біріне туыс болып келеді.

Жасөспірімдердің денесі әлі табылған жоқ. Іздеу жұмыстары жалғасуда.

Төтенше жағдайлар департаменті жеткіншектердің жүзуге рұқсат етілмеген жерде шомылғанын айтты.

Мәтіннен қате тапсаңыз, бізге жазыңыз