Оңтүстік Кореяда Қазақстан азаматы 18-ші қабаттан құлап қаза тапты

Оңтүстік Кореяның Кимхэ қаласында Қазақстан азаматы тұрғын үйдің 18-ші қабатынан құлап кетіп, қаза болды, деп хабарлайды NoCutNews басылымы.

Басылым мәліметінше, қайғылы оқиға бүгін, 21 қыркүйекте жергілікті уақыт бойынша шамамен 08:25-те (Астана уақыты бойынша 11:25-те) болған.

Ер адам бояу жұмыстарына дайындық үшін қауіпсіздік тақтайшаларын орнатып жатқан кезде құлаған.

Марқұм ауруханаға жеткізілген, алайда дәрігерлер оның қайтыс болғанын тіркеген.

Бұл факті бойынша тергеу басталған.

Айта кетейік, 4 қыркүйектен бері Оңтүстік Кореяның Тэгу қаласындағы ауруханада комада жатқан Арман Ахметшаевтың жақындары оны елге алдырту үшін көмек сұрап отырғанын жазған едік.

Мәтіннен қате тапсаңыз, бізге жазыңыз