Астанадағы сауда орталықтарының бірінің маңынан ер адамның денесі табылды

Бүгін таңертең елордадағы сауда ойын-сауық орталықтарының бірінің жанынан ер адамның денесі табылды, деп хабарлайды Астана қаласы полиция департаментінің баспасөз қызметі

Оқиға орнына жеткен полиция қызметкерлері зорлық-зомбылық белгілері жоқ 51 жастағы ер адамның денесін тапты.

"1 желтоқсанда сағат 08:20 шамасында "102" арнасына "Азия Парк" сауда үйінің маңында ер адамның денесі табылғаны туралы қоңырау келіп түсті. Оқиға орнына жеткенде дерек расталды", - делінген ведомство хабарламасында.

ПД бұл факті бойынша қажетті сараптамалар тағайындалғанын мәлімдеді.

Шамамен екі апта бұрын ақтаулық полицейлер ықшамаудандардың бірінде 43 жастағы ер адамның денесі табылғанын хабарлаған еді.

Мәтіннен қате тапсаңыз, бізге жазыңыз