Ресейде автобус көпірден өзенге құлап кетті (видео)

Бүгін, 10 мамырда Санкт-Петербургте автобус көпірден Мойка өзеніне құлады, ішінде 20-ға жуық адам болған. Бұл туралы Риа Новости агенттігі елдің ІІМ Бас басқармасына сілтеме жасап хабарлайды.

Агенттік мәліметінше, Ресей ІІМ Бас басқармасы бүгін Санкт-Петербургте автобус көпірден Мойка өзеніне құлаған, ішінде 20-ға жуық адам болған, олар судан шығарылып жатыр, деп хабарлады

"Бүгін күндізгі сағат бір шамасында полицияға Большая Морская көшесіндегі 69-үйдің маңында жолаушылар автобусы көпірден Мойка өзеніне құлап кеткені туралы хабарлама түсті. Төтенше жағдай кезінде көліктің ішінде шамамен 20 адам болған", - делінген хабарламада.

ТАСС мәліметінше, автобус салонында болған бір адам қаза тапқан.

Мәтіннен қате тапсаңыз, бізге жазыңыз