Бішкекте жолаушылары бар шағын автобус су арнасына құлап кетті

Бішкекте жолаушылар мінген шағын автобус су арнасына құлап кетті. "Спутник Қырғызстан" ақпарат агенттігі мәліметінше, қаза тапқандар жоқ.

"Микроавтобус көпірге тіреліп, тоқтады. Жолаушылар люк арқылы шығып, оларға медициналық көмек көрсетілді", - деп жазды басылым тілшілері.

Еске сала кетейік, 28 маусымда Қырғызстанның Ош облысында сел болды. Кейін селден кейін кәмелетке толмаған екі қазақстандықтың денесі табылғаны белгілі болды. Ал кейінірек Сыртқы істер министрлігі сел салдарынан тағы екі қазақстандық баланың қаза тапқанын хабарлады.

Мәтіннен қате тапсаңыз, бізге жазыңыз