Ақтөбе облысындағы шахтада жұмысшы қаза тапты

Ақтөбе облысындағы шахтада жұмысшы опырылған кен астында қалып, мерт болды. 32 жастағы марқұмның денесін кеніштен әріптестері алып шықты. Қазір еңбек инспекторлары тергеу жүргізіп жатыр, деп хабарлайды КТК арнасы.

Телеарна мәліметінше, "Ақтөбе мыс" компаниясының кен орны Хромтау ауданында орналасқан. Қайлы оқиға сол жерде болды. Үгіту аппаратын басқаратын жұмысшы түнгі ауысымға шыққан. Кеннің жоғарыдан опырылып түскенін аңғарып үлгермеген болуы мүмкін.

"Шахтада кен опырылған. Жазатайым оқиға деп айтуға болады. Тергеп-тексеру 20 қазанда аяқталады", - деді Ақтөбе облысы еңбек инспекциясы басқармасының мемлекеттік инспекторы Асхат Жұмалы.

Жұмысшы оқиға орнында бірден мерт болған. Тексеруге кіріскендер кен орнындағы еңбек қауіпсіздігінің қаншалықты сақталғаны туралы тек "бір айдан соң ғана айта аламыз" деп отыр.

Дереккөз: КТК

Мәтіннен қате тапсаңыз, бізге жазыңыз