Екібастұзда оқушы құбырдағы ыстық суға күйіп қалды: полиция қылмыстық іс қозғады

Екібастұз полициясы оқушының жарылған құбырдан аққан ыстық суға күйіп қалуына байланысты қылмыстық іс қозғады. Бұл туралы KAZ.NUR.KZ Павлодар облысы полиция департаменті мәліметіне сүйене отырып хабарлайды.

Департамент баспасөз қызметінің хабарлауынша, қауіпсіздік ережесіне сай емес қызмет немесе жұмыс атқарылуына байланысты қылмыстық іс қозғалған.

"Болған оқиғаның анық-қанығы тергеу барысында анықталады", - деп хабарлады Павлодар облысының полициясы.

Айта кетейік, Қылмыс кодексінің 306-бабы 1 тармағы бойынша қауіпсіздік талаптарына сай емес қызмет немесе жұмыс атқарғаны үшін 160 АЕК (590 720 теңге) көлемінде айыппұл салынуы немесе 40 тәулікке дейін сотталуы мүмкін.

Естеріңізге сала кетейік, 11 желтоқсанда Екібастұз қаласында 10 жастағы бала жылу құбырының тесігінен аққан ыстық суға күйіп, бірінші және екінші дәрежелі күйікпен аурухананың жансақтау бөліміне түскен.

Мәтіннен қате тапсаңыз, бізге жазыңыз