Өскеменде өртенген үйдің жертөлесінен үш адамның денесі табылды: қылмыстық іс қозғалды

Өскемен қаласында өртенген жер үйлердің жертөлесінен өртті ауыздықтау барысында үш адамның мәйіті табылды. Аталған жайт бойынша адам өлтіру дерегі бойынга қылмыстық іс қозғалды, деп хабарлайды kazinform агенттігі.

ШҚО Полиция департаменті баспасөз қызметінің мәліметіне сүйенсек, қазіргі уақытта адам өлтіру фактісі бойынша қылмыстық іс қозғалды. Күдікті анықталып, қамауға алынды.

"Полиция қылмыстың барлық мән-жайы мен себептерін объективті зерттеуге бағытталған қажетті тергеу амалдарын жүргізіп жатыр. Тергеу барысы ШҚО ПД басшылығының жеке бақылауында", - делінген ақпаратта.

Бейресми мәліметтерге сүйенсек, марқұмдардың бастарында кесілген жарақаттар табылған.

Мәтіннен қате тапсаңыз, бізге жазыңыз