Мысыр әуежайында көз жұмған Қазақстан азаматының денесі елге жеткізіледі
Жарияланған күні:
Мысырда мерт болған отандасымыз Ақмарал Мұқанова мен оның ұлының медициналық сақтандыруы бар, деп хабарлайды Kazinform. Сол себепті шетелде көз жұмған қазақстандықтың денесін елге жеткізу шығынын сақтандыру компаниясы мойнына алған.
Ақпарат агенттігінің мәліметінше, Nomad Insurance сақтандыру компаниясы туристік оператордан қайғылы оқиға жайлы ақпарат түскеннен кейін бірден марқұмның денесін елге жеткізу шығындарын жабу үшін кепіл берілген қаражатты аударған. Құзыретті органдардың шешіміне байланысты мүрде Шарм-эш-Шейхтан не Каирден жеткізу жоспарланып отыр.
Еске сала кетейік, 17 мамырда Шарм-эш-Шейх әуежайында рейсті күтіп тұрған жолаушылар тұрған аумақта жарнама тақтасы құлаған. Оқиғаның салдарынан қазақстандық әйел мерт болды, тағы екі отандасымыз жарақат алған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/accident/2246940-mysyr-auezhaiynda-koz-zhumgan-qazaqstan-azamatynyng-denesi-elge-zhetkiziledi/