Ақмола облысында өгей қызын зорлаған 41 жастағы азамат ұсталды

Ақмола облысы Есіл ауданының тұрғыны кәмелетке толмаған өгей қызды зорлады деген күдікке ілінді. Іске облыстық полиция департаменті түсініктеме берді деп хабарлайды KAZ.NUR.KZ.

Бұл туралы ақпарат әлеуметтік желілерде пайда болды. Аудан тұрғындары өз хабарламаларында ер адамның қызды және оның анасын қорқытып ұстағанын атап өтеді.

Облыстық полиция департаментінің хабарлауынша, 28 қазанда Есіл аудандық полиция бөліміне жергілікті тұрғыннан арыз түскен.

Әйелдің айтуынша, шамамен екі ай бұрын оның 41 жастағы азаматтық некедегі күйеуі кәмелетке толмаған қызына күш көрсету арқылы интимдік қатынасқа түскен.

Аталған факт бойынша қылмыстық кодексінің 120-бабы, 4-бөлігі (Кәмелетке толмаған баланы зорлау) бойынша сотқа дейінгі тергеу басталды.

Сараптама тағайындалды, ер адамға қатысты қамауға алу түріндегі бұлтартпау шарасы таңдалды. Тергеу мүддесі үшін басқа ақпарат жария етілмеді.

Сонымен қатар, Есіл ауданының әкімдігі күдікті ауылдық мәдениет үйлерінің бірінде жетекші қызмет атқарған, бірақ қылмыс жасалған кезде ол жұмыссыз деп саналды екенін хабарлады.

Еске салсақ, Байқоңыр қаласының прокуратурасы сотта қаралған жас қыздың әкесіне қатысты адам зорлау ісі туралы айтқан болатын.

Сондай-ақ, Шығыс Қазақстан облысы Аягөз ауданында мүгедек қызды зорлады деген күдікке ілінген азаматтың өлімі бойынша тергеу жұмыстары басталды. Полицейлер мәліметінше, марқұм тұрғын үйлердің бірінің балконынан секіріп кеткен.

Мәтіннен қате тапсаңыз, бізге жазыңыз