Алматыда ірі көтерме базарлардың бірі мемлекетке қайтарылады

Экономикалық ресурстардың заңсыз шоғырлануына қарсы іс-қимыл мәселелері жөніндегі ведомствоаралық комиссия Алматыдағы "Барыс-4" базары мемлекетке қайтарылатынын хабарлады, деп жазады KAZ.NUR.KZ тілшісі Бас прокуратураның баспасөз қызметіне сілтеме жасап.

Ведомствоның ақпаратынша, "Көтерме" базардан бірқатар заңбұзушылық анықталған.

"Алматыда олигополиялардың бірінің ірі көтерме сауда нарығындағы ("Барыс-4") үлесін 5 есе арзан бағаға (нарықтық бағасы 1,5 млрд теңге, алайда 307 млн теңгеге сатылған) сату фактісі анықталды", - делінген хабарламада.

Еске сала кетсек, бұған дейін Экономикалық ресурстардың заңсыз шоғырлануына қарсы іс-қимыл мәселелері жөніндегі ведомствоаралық комиссия Қайрат Сатыбалды мен Қайрат Боранбаевтың ісіне қатысты жаңа ақпарат ұсынған болатын.

Мәтіннен қате тапсаңыз, бізге жазыңыз