Сексуалдық сипаттағы зорлық-зомбылық әрекеттерін жасады деген күдікпен деструктивті діни ағымды ұстанушы ұсталды

Кәмелетке толмағандарға қатысты сексуалдық сипаттағы зорлық-зомбылық әрекеттерін жасады деген күдікпен, республикалық іздеуде жүрген, деструктивті діни ағымды ұстанушы тұрғын ұсталған. Бұл туралы Polisia.kz хабарлады.

Ақпараттық порталдың мәліметінше, ІІМ-нің, Алматы қаласы және Қарағанды ​​облыстық полиция департаменттерінің және ҰҚКД қызметкерлерінің бірлескен жұмысының нәтижесінде 15 тамызда "Таблиги Джамаат" діни-экстремистік ұйымының ұстанушысы – Теміртау қаласының 51 жастағы тұрғыны ұсталған.

Ер адам кәмелетке толмағандарға қатысты сексуалдық сипаттағы зорлық-зомбылық әрекеттерін жасады деген күдікке ілінген және оған республикалық деңгейде іздеу салынған.

"Ер адам ұзақ уақыт бойы Түркия мен Қырғызстанда жасырынып жүрген. Әрі қарай қылмыстық қудалау үшін А. есімді азамат Қарағанды ​​облысының уәкілетті органдарына берілетін болады", – деп жазады ІІМ ресми сайты.

Мәтіннен қате тапсаңыз, бізге жазыңыз