Астанада автобустардың бірінде жолаушылар жіп тартып, киім ілген
Жарияланған күні:
Елордадағы автобустардың бірінің салонына жолаушылар киім-кешектерін жайып қойған. Мұндай видео әлеуметтік желіде тарады. Болған жайтқа қатысты CTS компаниясының өкілдері Instagram парақшасында пікір білдірді.
Бейнежазба әлеуметтік желіде 20 ақпанда жарияланған. CTS компаниясының анықтауынша, оқиға №21 автобустың салонында болған.
Компания дерегінше, белгісіз біреулер "Астана паркі" аялдамасында автобусқа міне салысымен салонда жіп тартып, киім-кешектерді іле бастаған. Олардың бірі мұны видеға түсірген.
Содан кейін жолаушылар "Аiland отбасылық демалыс орталығына" жеткен кезде реквизиттерін жинастырып, автобустан түсіп қалған.
Оқиғаның мән-жайын анықтау үшін автобус салонында орналасқан камераға түсірілген видео алынған.
"Аталған бейнематериал құқықтық баға беру және тиісті әрекет ету шараларын қабылдау үшін Астана қалалық полиция департаментіне жолданады", - деп хабарлады компаниядан.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2010630-astanada-avtobustardyn-birinde-zolausylar-zip-tartyp-kiim-ilgen-video/