Алматыдағы ондаған заңсыз жұмысшы Қазақстаннан шығарылды (видео)

Алматының көші-қон полициясы оңтүстік астанада "Нелегал" іс-шарасын жүргізуде. Жұмыс қорытындысы бойынша Қазақстаннан қырық шетелдік шығарылды, деп хабарлайды Polisia.kz медиа-порталы.

Құқық қорғау өкілдерінің айтуынша, көші-қон заңнамасын бұзудың 405 дерегі анықталса, оның 281-ін шетел азаматтары жасаған.

Сондай-ақ шетелдіктердің елімізде болуының заңдылығын қамтамасыз ету шараларын қолданбағаны үшін 115 адам әкімшілік жауапкершілікке тартылған.

Сонымен қатар, жұмыс беруші 9 отандасымыз шетелдік жұмыс күшін тарту тәртібін бұзған.

"ПД-ның қабылдап-таратуына жеке басын куәландыратын құжаты жоқ 192 шетелдік орналастырылды. Сонымен қатар іс-шара барысында заңсыз көші-қон арналарын ұйымдастыру бойынша 5 қылмыстық іс тіркелді", – деді Алматы қалалық ПД көші-қон қызметі басқармасының бастығы Асхат Бутунчинов.

Мәтіннен қате тапсаңыз, бізге жазыңыз