"Алдын алуға болар еді": Зәкиева Алматы мен Түркістан облысындағы қыздардың өлтірілуіне қатысты пікір білдірді

Қазақстандағы Бала құқықтары жөніндегі уәкіл Динара Зәкиева Facebook желісіндегі парақшасында Алматы мен Түркістан облысында болған екі қыздың өліміне қатысты пікір білдірді, деп хабарлайды KAZ.NUR.KZ.

Динара Зәкиева жақында Түркістан облысындағы 5 жасар қыз бен Алматыдағы 7 жасар қыздың қайғылы өлімі жергілікті профилактикалық жүйенің жоқтығының жан түршігерлік дәлелі екенін айтты.

"Күн сайын балаларға қатысты 6 қылмыс жасалады. 70 пайыз жағдайда бұл дер кезінде көмек көрсетпеудің және алдын алмаудың салдары болып табылады. Жұмыс негізінен зардаптарымен ғана жүргізілуде. Ал осы екі жағдайда қайғылы оқиғалардың алдын алуға болатын еді", – деді ол.

Зәкиева уақытылы байқап, жауап беруі тиіс қызметкерлердің жауапкершілігі туралы мәселемен уәкілетті органдарға жүгінгенін айтты.

"Қыздарды қайтара алмайтынымызды, мұның алдын алуға болатынын түсіну өте ауыр. Мен уақытылы есеп беріп, жауап беруге тиіс қызметкерлердің жауапкершілігі туралы мәселені көтеріп, уәкілетті органдарға жүгіндім. Қыздардың туыстары мен жақындарына көңіл айтамыз", – деп жазды ол.

Сонымен қатар, балалар омбудсмені атап өткендей, жағдайды жүйелі түрде түзету мақсатында қазір балалар құқықтарының бұзылуын болдырмау үшін инфрақұрылым мен құралдарды құру жұмыстары жүргізілуде.

Мәтіннен қате тапсаңыз, бізге жазыңыз