ҰҚК бірқатар облыста көлік бақылауы инспекциясының жұмысшыларын ұстады (фото, видео)

2023 жылғы 21 қарашада Ұлттық қауіпсіздік комитеті Бас прокуратураның үйлестіруімен Астана, Шымкент қалаларында, сондай-ақ Ақтөбе, Қарағанды және Қызылорда облыстарында жедел-тергеу шараларының шеңберінде Көлік министрлігі Көліктік бақылау инспекциясының бірқатар жұмысшыларын ұстады, деп хабарлады ведомствоның баспасөз қызметі.

Ведомство мәліметінше, ұсталғандар салмақтық және габариттік параметрлерін бұзған автокөліктерді бөгетсіз өткізуге кәсіпкерлерден ақшалай қаражатты жүйелі түрде бопсалады деген күдікке ілінген.

Қылмыстық кодекстің 366-бабы бойынша сотқа дейінгі тергеп-тексеру жүргізіліп жатыр.

Сондай-ақ ҰҚК өкілдері Қылмыстық-процестік кодекстің 201-бабы 1-бөлігіне сәйкес өзге ақпараттар жариялануға жатпайтынын еске салды.

Мәтіннен қате тапсаңыз, бізге жазыңыз