Прокурорлар Алматы мектептерінің бірінде 46 млн теңгеден астам бюджет қаражаты ұрланғанын анықтады

Алматы прокурорлары қала мектептерінің бірінде 46 млн теңгеден астам бюджет қаражаты ұрланғанын анықтады. Мектеп бухгалтері бірнеше жылға бас бостандығынан айырылуы мүмкін, деп хабарлайды Алматы прокуратурасы ресми сайтында.

Қалалық прокуратура мәліметінше, мектептің бас бухгалтері бір жыл бойы өзінің жеке шоттарына штаттық кестеде қарастырылған жалақыдан асатын жалақыны өзінің жеке шоттарына заңсыз аударып келген.

Аталған факті бойынша Бостандық ауданының прокуратурасы сотқа дейінгі тергеп-тексеру бастады.

"Тергеу барысында мектеп бухгалтері өз кінәсін толығымен мойындады.

Сот үкімімен кінәлі адам Қазақстан Республикасы Қылмыстық кодексінің 189-бабы 4-бөлігінің 2-тармағы (сеніп тапсырылған мүлікті иемдену және ысырап ету) бойынша материалдық-жауапты лауазымдарды атқару құқығынан 5 жыл мерзімге айыра отырып, 7 жылға бас бостандығынан айырылды", - делінген хабарламада.

Сот үкімі заңды күшіне енбеген.

Мәтіннен қате тапсаңыз, бізге жазыңыз