Қарағанды облысында 1,5 млн теңге тұратын бәйге атын сойып алған күдіктілер ұсталды

Полицияға 30 жастағы аудан тұрғыны арызданып, белгісіз біреулер халықаралық бәйгеге дайындап жүрген тұлпарын ұрлап кеткенін айтып, шағымданған. Бұл туралы Polisia.kz Telegram-арнасында хабарлады.

Шығын 1 миллион 500 мың теңге болған.

"Полиция осы іске қатысы бар деген күдікпен 23 және 54 жастағы азаматтарды ұстады. Олардың барлығы Шет ауданындағы блок-бекетте қолға түсті. Күдіктілер ұрланған жылқыны сойып, мүшелеп тастағаны туралы мойындау көрсетпе белгілерін берді.

Қылмыстық кодекстің 188-1-бабына сәйкес қылмыстық іс қозғалды", - деп хабарлады Криминалдық полиция басқармасының бастығы Аслан Өскембаев.

Басқарма бастығының айтуынша, жыл басынан бастап, облыс аумағында 644 бас мал ұрланып, оның 547-сі иелеріне қайтарылған.

Мәтіннен қате тапсаңыз, бізге жазыңыз