Бүйрегін 18 мың долларға сатпақ болған қазақстандық ұсталды

Ақмола облысының тұрғыны қарызын өтеу үшін өз бүйрегін сатуға дайын болған. Алайда тәртіп сақшылары адам ағзасын сатудың жолын кесті, деп хабарлайды Polisia.kz ақпараттық медиа-порталы.

Басылымның жазуынша, қазақстандық өз бүйрегін 18 мың АҚШ долларына бағалап, кездейсоқ сатып алушыға интернет арқылы сатуға тырысқан.

Танымал әлеуметтік желідегі ерекше хабарландыруға Ақмола облысының ПД ұйымдасқан қылмысқа қарсы күрес басқармасының қызметкерлері назар аударып, донормен байланысқа шыққан.

Бірнеше апта бойы полицейлер арнайы жедел-іздестіру іс-шараларын жүргізді, нәтижесінде трансплантация жасау және ақша қаражатын беру туралы мәміле жасалды. Көкшетау қаласында ҰҚҚКБ қызметкерлері ақша беру кезінде күдіктіні ұстады.

"Алғашқы тергеу әрекеттері аясында полицейлер ер адамның Ақтөбе қаласының тумасы, бірақ елордада тұратынын анықтады. Қатысушының өзі мұндай шарасыз қадамға ойынға тәуелділіктен жиналған қарызынан құтылу үшін барғанын түсіндірді", - деп хабарлады полиция өкілдері.

Бұл факт бойынша тергеу жүргізіліп жатыр.

Мәтіннен қате тапсаңыз, бізге жазыңыз