"Екі рет оқ атқан": Алматыда келіншекке қастандық жасалғаны хабарланды

Алматыда әйелге қастандық жасалды деген хабар тарады. Куәгерлер оқиға орнында түсірілген видеоны желіде жариялаған. Күдіктілер көп ұзамай ұсталды, деп хабарлайды Алматы қалалық полиция департаментіне сілтеме жасаған KAZ.NUR.KZ тілшісі.

Полиция аталған қылмыс тез арада ашылғанын хабарлады.

"Күдіктілер ұсталып, уақытша ұстау изоляторына қамалды. Қазір сотқа дейінгі тергеу амалдары жүргізілуде", - деп хабарлады Алматы полиция департаментінің ресми өкілі.

Бұған дейін оқиға туралы Telegram-дағы EGOV.PRESS арнасында хабарланған болатын.

"Бұрынғы сүйіктісінің интим видеосын таратқан ірі кәсіпкер ұсталғаны туралы ақпарат түсті. Кейін қамауға алынған кәсіпкердің бұйрығымен аталған мекенжайға белгісіз ер адам келіп, бойжеткенге екі рет оқ атқан. Алматы полициясының қызметкерлері күдіктілерді дер кезінде ұстады. Ұсталған адамдар жауапкершіліктен құтылып кетуі мүмкін дейді. Қазіргі уақытта бойжеткен өмірі үшін қорқады. Бас прокурор мен Ішкі істер министрінен істі жеке бақылауға алуын сұраймыз", - делінген Telegram-арнада.

Мәтіннен қате тапсаңыз, бізге жазыңыз