Алматы облысында әйелді соққыға жыққан ер адамның видеосы тарады

Алматы облысында әйелін соққыға жыққан ер адамның видеосы тарады. Полиция бұл оқиға туралы түсінік берді, деп хабарлайды KAZ.NUR.KZ.

Видео Telegram-дағы Egov.press арнасында жарияланды. Онда ер адам еденде жатқан әйелге күш көрсеткен.

Видеоға қатысты Алматы облыстық ПД аккаунтының пікірі жарияланды.

"Бұл факт Қылмыстық кодекстің 107-бабы, 3-тармағының 2-бөлігі бойынша Қарасай ауданының ПБ-да тіркелгенін хабарлаймыз", - делінген хабарда.

Жедел іздестіру іс-шаралары барысында Қарасай ауданының ПБ өкілдері видеодағы ер адамның жеке басын анықтап, полицияға жеткізген. Ол 1979 жылы туған.

"Қазіргі уақытта жәбірленушіге қатысты сот-медициналық сараптама тағайындалды.

Барлық қажетті тергеу әрекеттері жүргізілгеннен кейін қылмыстық іс бойынша түпкілікті процестік шешім қабылданады", - делінген хабарда.

Мәтіннен қате тапсаңыз, бізге жазыңыз