Қонаев қаласында жүргізуші итті көлігіне байлап сүйрегені үшін жазаланды
Опубликовано:
Алматы облысының Қонаев қаласында жүргізуші итті өз көлігіне байлап, жол бойымен сүйреген. Бұл үшін ол әкімшілік жазаға тартылды, деп хабарлайды KAZ.NUR.KZ.
Оқиғаның видеосын Instagram-дағы Kris P Almaty парақшасында жарияланды. Онда байланған ит көлік соңынан қуып жетуге тырысқанын көруге болады.
Бұл жағдайға байланысты облыс полициясының өкілдері түсінік берді.
"Құқықбұзушыны қалалық полиция қызметкерлері анықтап, ҚР ӘҚБтК-нің 407-бабы бойынша әкімшілік жауапкершілікке тартты. Сонымен қатар ер адаммен мұндай фактілерге жол бермеу бойынша профилактикалық әңгіме жүргізілгенін хабарлаймыз", - деп түсіндірді Алматы облысы полиция департаментінің өкілдері.
Сондай-ақ, полиция пост авторына белсенді азаматтық ұстанымы мен құқықтық тәртіп органдарына көмегі үшін алғыс білдірді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/crime/2097590-qonaev-qalasynda-zhurgizushi-itin-koligine-bailap-suiregeni-ushin-zhazalandy/