"Анасының рұқсатынсыз Түркияға алып кеткен": үш жасар бала Қазақстанға қайтарылды

ІІМ Анталиядағы түрік әріптестерімен бірге 3 жасар баланы тауып, отанына қайтарды. Оны анасының рұқсатынсыз Түркияға алып кеткені белгілі болды, деп хабарлайды Polisia.kz сайтына сілтеме жасаған KAZ.NUR.KZ.

ІІМ Telegram-арнасында хабарлағандай, бала Интерполдың көмегімен табылды.

"Қазақстан Республикасы ІІМ Интерпол Ұлттық орталық бюросының түркиялық әріптестерімен және Қазақстанның Анталиядағы консулдығымен өзара іс-қимылы барысында 3 жасар сәби табылып, туған еліне қайтарылды.

Анасының рұқсатынсыз оны бұрынғы күйеуі Өзбекстан арқылы Түркияға алып кеткендіктен, әйел полицияға хабарласқан", - делінген хабарламада.

Қазіргі уақытта ведомствоның мәліметінше, бала мен анасы Қазақстанда.

Мәтіннен қате тапсаңыз, бізге жазыңыз