Алматыда той кортежінің жүргізушілері жауапқа тартылды (видео)

Алматы полицейлері тексеру жүргізіп, нәтижесінде төрт жүргізушіні жазаға тартты. Жақында желіде жол қозғалысын бұзған кортеж жүргізушілерінің видеосы жарияланған еді, деп хабарлайды полицияға сілтеме жасаған KAZ.NUR.KZ.

Алматы полиция департаментінің Instagram-дағы ресми парақшасында жол қозғалысы ережесін бұзған кортеж жүргізушілері жауапқа тартылғаны хабарланды.

"Ішінде үйлену тойына қатысушылар отырған төрт көліктің жүргізушілері жол қозғалысы ережелерін өрескел бұзған. Олар әкімшілік жауапкершілікке тартылды.

Атап айтқанда, "Тойота Камри" көлігін басқарған 2003 жылы туған Д.есімді азаматқа қатысты Әкімшілік құқық бұзушылық туралы кодекстің 593-бабы 3-бөлігі, Әкімшілік құқық бұзушылық туралы кодекстің 590-бабы 2-бөлігі және Әкімшілік құқық бұзушылық туралы кодекстің 593-бабы 1-бөлігі бойынша хаттамалар толтырылды.

Сонымен қатар "Тойота Ланд Крузер" көлігін басқарған 2002 жылы туған Т.есімді жігіт Әкімшілік құқық бұзушылық туралы кодекстің 593-бабы 1-бөлігі және 3-бөлігі бойынша әкімшілік жауапкершілікке тартылды.

Ал "Мерседес" автокөлігін басқарған 2002 жылы туған Б.есімді жігіт пен "Тойота Камри" көлігін басқарған 2004 жылғы А.есімді жігітке қатысты Әкімшілік құқық бұзушылық туралы кодекстің 593-бабы 1-бөлігі және 2-бөлігі бойынша әкімшілік хаттамалар толтырылды.

Сондай-ақ алдағы уақытта құқық бұзушылықтың алдын алу мақсатында жүргізушілермен құқықтық түсіндіру әңгімесі жүргізілді", - деп мәлімдеді Алматы қалалық полиция департаментінің Жергілікті полиция қызметі басқармасының бастығы, полиция полковнигі Серік Шумаев.

Мәтіннен қате тапсаңыз, бізге жазыңыз