Іздеуде жүрген шетелдік азамат Павлодарда ұсталды

Павлодарда көрші елде қылмыс жасағаны үшін іздеуде жүрген ер адам ұсталды. Бұл туралы облыстық полиция департаментіне сілтеме жасаған KAZ.NUR.KZ хабарлайды.

Ведомствоның баспасөз қызметінің хабарлауынша, павлодарлық жедел уәкілдер анықтау, тергеу және сот органдарынан жасырынған тұлғалардың орналасқан жерін анықтауға бағытталған шараларды қолға алуда.

"Осылайша Павлодарда іздеуде жүрген көрші мемлекеттің азаматы анықталып, 2022 жылдың қазан айында көрші мемлекеттің аумағында бөтеннің мүлкіне қасақана зиян келтірген азамат ұсталды.

Күдікті құқық қорғау органдарынан қашып кеткен. Қазіргі уақытта ұсталғаны туралы іздестіру бастамашыға хабарланды", - деді Павлодар облыстық полиция департаменті криминалдық полиция басқармасының басшысы Балғабай Қапаров.

Ол жыл басынан бері Павлодар облысының полицейлері сот төрелігінен жасырынып жүрген 50-ге жуық қылмыскерді тауып, ұстағанын айтты.

Мәтіннен қате тапсаңыз, бізге жазыңыз