Мейрамханада күзетшіні ұрған қызылордалық ер адам төрт жылға сотталды

Қызылодадағы мейрамханалардың бірінде өткен кездесу сотта аяқталды. Іс денсаулыққа қасақана ауыр зиян келтірді деген айыппен қаралды, деп хабарлайды облыстық сотқа сілтеме жасаған KAZ.NUR.KZ.

Сот ақпаратынша, Қызылорда қаласының №2 сотында Қылмыстық кодекстің 106-бабы 1-бөлігі бойынша сотталушыға қатысты қылмыстық іс қаралды.

Сотталушы мейрамханаға келіп, сол жерде "күзетші" болып жұмыс істеп жүрген жәбірленушіні жолықтырып, оған қарыз екенін ескертіп, сол жөнінде өзара әңгімелескен.

"Осыдан кейін әңгіме барысында жанжалдасып, сотталушы Қ. жәбірленуші Т.-ны ұрып, соққы жасаған. Соққы салдарынан жәбірленуші есін жоғалтып, жерге құлап, қалалық ауруханаға ауыр хәлде жеткізілді. Оған ота жасалған", - делінген хабарламада.

Басты сот талқылауында жәбірленуші өкілі сотталушыға кешірім беретінін, моральдық шығын өтелгенін, оның бас бостандығын айырмайтын жеңіл жаза қолдануды сұрайтынын айтып көрсеткен.

Сотталушы қылмыстық кодекстің 106-бабы 1-бөлігімен кінәлі деп танылып, оған 4 жыл мерзімге бас бостандығын шектеу жазасы тағайындалып, пробациялық бақылау белгіленді.

Мәтіннен қате тапсаңыз, бізге жазыңыз