Шымкентте капотына құлаған полицейді сүйреп кеткен жүргізуші сотталды

Мұндай шешімді Шымкент қаласының қылмыстық істер жөніндегі ауданаралық соты шығарды, деп хабарлайды KAZ.NUR.KZ Vera.kz-ке сілтеме жасап.

Ер адамға ҚР ҚК-нің 380-бабы 5-бөлігі бойынша билік өкіліне өзінің қызметтік міндеттерін атқаруына байланысты зорлық-зомбылық көрсеткені үшін айып тағылды.

Сотта белгілі болғандай, 7 маусым күні Елтай ауылында сотталушыны патрульдік полиция инспекторы тоқтатқан. Ол көліктің жарықтандыру шамдарының стандартқа сай келмегені үшін жүргізушіге қатысты әкімшілік хаттама толтырмақшы болған.

Алайда жүргізуші полицейдің жолын жапқанына қарамастан, алға қарай жүре бастаған. Салдарынан инспектор көліктің капотына құлап түсіп, сол күйі бірнеше метрге дейін жүрген. Прокурор соттан жүргізушіні бас бостандығынан айыруды сұрады.

Зардап шеккенинспектор бұл мәселенің шешімін соттың қарауына қалдырды. Сотталушы кінәсін мойындап, өкінді. Сот мұны, сондай-ақ оның жас баласы бар екенін ескеріп, оған 2 жыл бас бостандығын шектеу жазасын тағайындады. Үкім әлі заңды күшіне енген жоқ.

Мәтіннен қате тапсаңыз, бізге жазыңыз