Алматыда тергеу изоляторының бастығы ұсталғаны рас па: ҚАЖК өкілдері пікір білдірді

Әлеуметтік желіде тергеу изоляторы бастығы Марат Кәкімжановтың ұсталғаны туралы ақпарат тарады. Бұған қатысты ІІМ ҚАЖК өкілдері пікір білдірді, деп жазады KAZ.NUR.KZ.

"Аталған факті бойынша жауапты органдар тергеу амалдарын жүргізіп жатыр. Сонымен бірге ІІМ ҚАЖК қызметтік тексеріс жүргізіп жатыр. Нәтижесі бойынша заңға сәйкес тиісті шешім қабылданады", - деп хабарлады ведомствоның баспасөз қызметінен.

Одан бөлек ҚАЖК өкілдері өз қатарында кез келген құқыққа қайшы іс-әрекеттердің кез келген көріністеріне төзбеушілік туралы принципті ұстанымын білдіретінін, сондықтан объективті және жан-жақты тергеуге ықпал ететінін атап өтті.

Еске салсақ, бұған дейін желіде Шымкент қалалық полиция департаменті қаржымен қамтамасыз ету басқармасының бастығы мен полиция аға лейтенанты ұсталғаны туралы ақпарат пайда болды.

Бұған пікір білдірген ІІМ өкілдері факт бойынша қызметтік тексеру жүргізіліп жатқанын, соның қорытындысы бойынша қатаң шаралар қабылданып, кінәлілер заңға сәйкес жазаланатынын мәлімдеді.

Мәтіннен қате тапсаңыз, бізге жазыңыз