Қаржылық мониторинг агенттігі қазақстандыққа іздеу жариялады

Қаржылық мониторинг агенттігі Омаров Руслан Уланұлына іздеу жариялады. Бұл туралы ҚМА Telegram-дағы арнасында хабарлады.

Руслан Омаров 1986 жылы 28 шілдеде Ақтөбе облысы Алға қаласында туған.

"Аталған азамат жұмыстарды нақты орындамай, қызмет көрсетпей және тауар жөнелтпей, жалған шот-фактуралар жазып бергені үшін күдікке ілінген. 2011 жылдан 2013 жылға дейін Омаров Sunkar Logistics ЖШС директоры ретінде әрекет етіп, контрагенттерге 4 млрд теңгеден астам сомаға жалған бухгалтерлік құжаттар жазып берген. Мемлекеттік кірістер органдарының қорытындысы бойынша, төленбеген салық түріндегі мемлекетке келтірілген залалдың жалпы сомасы 1,5 млрд теңгеден асады", - делінген хабарда.

Ведомство іздестіріліп жатқан тұлғаның орналасқан жері туралы қандай да бір ақпарат білсеңіз, мына телефон нөмірлеріне хабарласуды сұрайды:

• +7-701-770-08-65;
• +7-7292-40-36-59;
• 1458 – Call-center.

Сыйақы мен анонимділікке кепіл беріледі.

Мәтіннен қате тапсаңыз, бізге жазыңыз