Түркияда банк директорының бұрынғы орынбасары болған ақтаулық әйел ұсталды

Түркияда халықаралық іздеуде жүрген қазақстандық әйел ұсталды. Ол аса ірі көлемде алаяқтық жасады деген күдікке ілінді, деп хабарлайды Ішкі істер министрлігіне сілтеме жасаған KAZ.NUR.KZ.

Ведомство өкілдерінің мәліметінше, Қазақстан Ішкі істер министрлгі Интерпол ұлттық орталық бюросы түрік әріптестерімен бірге аса ірі мөлшерде алаяқтық жасағаны үшін халықаралық іздеуге жарияланған 42 жастағы әйелді Анталья қаласында ұстады.

"2009 жылы ол Ақтау қаласындағы банктердің бірінің директорының орынбасары бола отырып, жылжымайтын мүлік сатып алу үшін 200 мың АҚШ доллары мөлшерінде несие алу туралы өтінішпен қаржы ұйымына жүгінген. Ақшаны алу кезінде әйел қарыз алушының қолтаңбасын қолдан жасап, артынан жасырынған", - делінген ІІМ хабарламасында.

Полицейлер ұсталған әйел Қазақстанға жеткізіліп, қамауға алынғанын мәлімдеді.

Мәтіннен қате тапсаңыз, бізге жазыңыз