Алматыда әйел адам кісі өлтірді деген күдікпен ұсталды

Желіде Алматыда әйел ер адамды өртеп жібергені туралы ақпарат пайда болды. Полиция департаменті өкілдері жәбірленуші қаза болғанын айтып, ақпаратты растады, деп хабарлайды KAZ.NUR.KZ тілшісі.

Бейсенбі желіде алматылық қарттың өрттен қаза тапқаны туралы ақпарат тарады. Бұл жайтқа қалалық полиция департаменті өкілдері түсінік берді.

"Медеу аудандық полиция бөлімі кісі өлтіру дерегі бойынша қылмыстық іс қозғады, күдікті ұсталып, уақытша ұстау изоляторына қамалды", - деп хабарлады полиция өкілі.

Еске салсақ, бұған дейін Солтүстік Қазақстан облысында анасы өз қызын пышақтағанын хабарлаған едік. Біраз уақыттан кейін оқиғаның жай-жапсары белгілі болды.

Сондай-ақ 11 жастағы қыз бала ауыр халде облыстық ауруханаға жөнелтілгенін және бұл хабарды Бала құқықтары жөніндегі уәкіл Динара Зәкиева хабарлағанын жазған едік.

Мәтіннен қате тапсаңыз, бізге жазыңыз