Алматыда Pop MMA спортшылары кәсіпкерлерден ақша бопсалаумен айналысты деген күдікпен ұсталды (видео)

Полиция департаменті ҰҚҚКБ Ұлттық қауіпсіздік комитетімен бірлесіп, Алматы қаласы мен Алматы облысы аумағында кәсіпкерлерден ақша бопсалаумен айналысқан қылмыстық топты ұстады, деп хабарлайды Polisia.kz сайты.

"Қылмыстық топтың құрамында еліміздің Pop MMA спортшылары да болған. Қазіргі уақытта олардың басқа да осыған ұқсас қылмысқа қатысы бар-жоғы анықталып жатыр. Ұсталғандарға қатысты қамау түріндегі бұлтартпау шарасы таңдалды", - делінген хабарламада.

Еске салсақ, бұған дейін Ішкі істер министрлігінің Қазақстанның бірден үш облысында қылмыстық топтарды әшкерелегенін хабарлаған едік.