Каспий теңізінде шекарашылардан "қашқандардың" видеосы жарияланды

Желіде шекарашылардың Каспий теңізінде заңбұзушыларды қуып бара жатқаны түсірілген видео жарияланды. Облыстық Шекара қызметінің баспасөз қызметі өкілдері түсірілген кадрларға қатысты түсініктеме берді, деп хабарлайды Lada.kz сайтына сілтеме жасаған KAZ.NUR.KZ.

Басылым хабарына қарағанда, Instagram-дағы парақшада тәртіп бұзушыларды қуған видео жарияланған.

Кадрларда қайық мінген құқықбұзушылардың Каспий теңізінде шекарашылардан жасырынбақ болып, қашып бара жатқаны бейнеленген.

Кейін облыстық шекара қызметінің баспасөз қызметі басылымға бұл видеоның "По синим волнам" телехикаясының түсірілімі кезінде түсірілгенін хабарлады.

"Видео өткен жылы "По синим волнам" телехикаясының түсірілімі кезінде түсірілген", - деп хабарлады ведомство өкілі.